المراجعة الخاصة عن سلسلة الأرشيف «مدينة الرؤوس المعلقة»، تقديم فرح شوقي !
اسم الكاتب: محمد صاوي
عدد الصفحات: 131
اصدار: صيف 2019
"اقتباس"
في ظُلمات قدرٍ غائبٍ عن يقين البشر، قررت الآلهة جمعَ الأخلاق في قالبٍ وردي لخَلق مخلوقِ الكمال، ذلك الذي لا يُخطِئ، إنسان، من لحمٍ ودمّ وأخلاق، يُسبح بحَمد الآلهة ولا يَعصي أمراً، يحنو على المخلوقات ولا يعرف للخطأ معنى، من الطمأنينة والسلام يتشكل عقله، ومن الحمد والنقاء يتشكل لسانه، ومن العطاء تتشكل أطرافه، ومن الحب يتشكل قلبه!
.....إلخ
"الأحداث"
بتبدأ النوڤيل مع مقدمة بيتكلم فيها *سالم منصور عبد الرحمن* الصحفي العاشق لما وراء الطبيعة واللي عنده أرشيف كامل بكل المغامرات إللي دخل فيها في حياته ..
قرر انه يخلينا ندخل معه جوه عالم مختلف، مخيف، غامض.. وفتح أول ملف ومن هنا بدأت حكاية مدينة الرؤس المعلقة ..
وتبدأ بعد كده تقابل أول شخصية *إلياس* إللي ارتكب جريمة بشعة بالنسبة لأهل، ولحكام، ولآلهة مدينة (مورول) وانه ذبح كلب.
المدينه دي عمر ما حصل فيها جريمة قتل أو سرقة لأن شعبها كان منبع للصفات الحميده وعمر ما كان بينهم أي ضغينه، ولأول مره بعد ارتكاب الجريمة البشعة دي وفي وسط المدينة نصب منصة حكم أمام الشعب كله وكمان لأول مرة يتم نفي شخص خارج أسوار المدينه، من هنا بدأت اللعنة و.. (لا كفايا كده أنا حرقت كتير)
"اللغة"
الكاتب لغته قويو جدًا محتاجه قارئ متمكن مش هاوي عشان يقدر يتأقلم مع اللغة وميحسش إنها تقيله عليه ..
"السرد"
السرد مش مفصل وسريع، لكن مفيش حاجة سابها الكاتب وموصفهاش عشان يساعدك بقدر الامكان تعيش مع الأحداث وتحس انك قاعد مع *أدونيس* بمعنى أكثر دقه إن مفيش حدث سيبه الكاتب عايم أو مش مفهومة رغم سرعة السرد (الكاتب عمل تركيبه غريبة أوي)
السرد فعلًا رائع ومختلفش في الدقه والمهارة العالية عن العمل السابق اللي قرأته للكاتب (الأرقم) .
"التقييم" - 4.5/5
"ملحوظة"
قرأت شويه مقولات ومواضيع كتبها أفلاطون
لما قرأت مقطع *أحد الألواح المقدسة * حسيت إن أفلاطون هو اللي بيكتب كمية الفلسفة اللي في الكلمات عظيمة ..
ياريت الكاتب يفجائنا ويقولنا إن سالم منصور هيفتح ملف تاني :D
⇻⧫⇹⇹⇹⇹⧫⧪⧫⇹⇹⇹⇹⧫⇺
بقلم ⇙ فرح أحمد شوقي
تعليقات
إرسال تعليق