مراجعة رواية موريسكا - فرح شوقي | ببلولا ツ

المراجعة الخاصة عن رواية موريسكا، تقديم فرح شوقي !

اسم الرواية: موريسكا
الكاتب : ريمون سامرى
عدد الصفحات : 295
إصدار : 2019

هل كانت صدفه أم قدر؟
ومن منا لم يخترق قلبه بسهام الإعجاب، حين تعثر الخطوات وتلاقيت بعيونهم صدفة. فتواصلت الأرواح بيننا وبينهم بغتة. وكم تمنينا لو بقي البصر نحوهم معلقًا، وسكنت راح الأيدي قيد أنملة. حتى ترنمت الشفاه وتغازلت فى عشقهم، داعيين المولى بأن يجمعنا بهم فى الآخرة، إن لم تجمعنا الدنيا بهم فى الحياة مجددًا.

ولكن هل ياترى سيكون ذاك هو القدر؟

قبل ما أقرأ موريسكا الكاتب قالي إنتِ هتعيشي مع الرواية حزن وفرح واكتئاب وسعاده وتفاهة، مكنتش مصدقه الصراحه إن فى رواية ممكن تخليك تعيش كل الأجواء دى لغايه لما قرآتها.

أول حاجه شداتني لرواية اسمها "موريسكا" كان نفسي أعرف الاسم ده معناه إيه لأنه كان جديد عليه، أول مره اسمعه واتفاجات الصراحة مكنتش اتوقع إن الاسم ده يكون ل.......
وفكرة الحُب البرئ اللي بيقف قدامه المصالح و الماديات شدنى جدًا..

تاني حاجة شدتي فيها الهدواء ..
تحس إن الكاتب بيكتب برواقه مش مستعجل التائني باين في السرد وحتي الحوار!

تالت حاجة الأحداث غير المتوقعه ..
في أحداث أنا كنت متوقعاها ومتأكده إنها بنسبه ٩٠٪ هتطلع صح، بس كان عكس توقعاتي تمامًا. وده من الحاجات اللى خلتني أحب الرواي’ أكتر "عنصر المفجأه "

موريسكا من الروايات الخفيفة اللى وأنت بتقرأها تكون مبسوط فعلًا،
كمية المشاعر اللى فيها بتخدك لحتة بعيده كده مش عارفها بس بتستمتع فيه لأقصى الحدود ..

وكمان لغة الكاتب حلوه جدًا تسهل عليك القراءه، ولا هي كلمات صعبة النطق ولا سهلة حاجة في الوسط كده.

اللى معجبيش في موريسكا كنت حاسه في الأول ببطئ في بعض الأحداث .

وأخيرًا..
أستاذ ريمون هيبقى من الكُتاب اللى بحضر نفسي عشان اقرألهم كل سنة وبالتوفيق 😎

⇻⧫⇹⇹⇹⇹⧫⧪⧫⇹⇹⇹⇹⧫⇺

بقلم ⇙ فرح أحمد شوقي