المراجعة الخاصة عن رواية كاهن الجان، تقديم فرح شوقي !
كاهن الجانترجمة: بسمة الخولي
عدد الصفحات :127
"جوزيف شيريدارن"
كاتب أيرلندي للحكايات القوطية وروايات الغموض والخيال الرعب، ولد في 28 أغسطس 1814 ، وتوفي في 7 فبراير 1873 وهو يبلغ 58 عامًا، كان كاتبا لقصص شبح رائد في القرن التاسع عشر وكان محوريًا في تطوير هذا النوع في العصر الفيكتوري.
"اقتباس"
حين يعلو الوعي الروح للإنسان تفتح عينيه علي ما لم ير قبلا ،لكل منا عين بروحه إن استيقظت من غفوتها ستكون قادره على رؤية الفاصل بين عالمنا والجانب الآخر ،تلك اللحظات الوجيزة التي يعبر فيها ما بالبرزح إلى هنا إلى عالمنا المادي
"الأحداث"
شخص درس الطب لكن مقدرش انه يمارس مهنته بسبب بتر إصبعين من إيده وده تسبب له في عدم توازن نفسي ومكنش بيقدر بسبب حالته النفسيه يكون في مكان واحد لفتره كبيره ..
وأثناء تجوله قابل دكتور مارتن هاسيلياس .
بقا تلميذ تحت إشراف د/هاسيلياس لعشرين سنه واشتغل معاه كطبيب ومستشار ومدير أعماله، وكان مسؤول عن ترتيب ملفاته، وكانت دايما في ملفات غريبة لحالات مخيفه بتلفت انتباهه ..
من بين الملفات الغريبه دي لقى رسالة بريدية إلي مكتب د/هاسيلياس بعد وفاة الكيميائي "فان لو"،
عبارة عن قصة مخيفة جدًا. وبعد وفاة معلمه د/ هاسيلياس قرار انه ينشر القصة للناس ومن هنا بيبداء الفصل الأول ..
لغاية الفصل العاشر !
لغة الكاتبة ..
اللغة قويه جدًا بس مش صعبه على القايء حتى لو كان مبتدِء،
بشوف الكاتبة متميزه في اختيار التشبيهات جدا ،الترجمة فعلا اكتر من روعة ..
السرد ..
كان أكتر من رائع الصراحه مش ممل على العكس تماما، بيساعدك تعيش أحداث الرواية ..
ورغم ان الروايه مش من النوع المرعب أوي إلا إنك بتخاف، وممكن كل شويه تلف حواليك تشوف الكيان بيراقبك
وأنت بتقراء ولا لأ !
نوڤيلا كاهن الجان واحدة من أعظم قصص الرعب النفسي اللي قرأتها في حياتي،
ورغم انها صغيره إلا انها مليانه إثارة وتشويق ..
خدت مني 6 أيام رغم صغرها كل صفحة عايزه تركيز وإنك ماتستعجلش في قرائتها،
عشان ماتحسش إنك تايه وتقدر تدخل في الأحداث وتعيش نفس خوف الكاهن .
التقييم 4.5/5
طبعًا أنصح جدا بالقرائه 😄
أول مره أقرء للكاتبة سواء كانت ترجمة أو كتابتها الشخصيه، بس شكلها فعلا مش هتكون أخر مره 😄
⇻⧫⇹⇹⇹⇹⧫⧪⧫⇹⇹⇹⇹⧫⇺
بقلم ⇙ فرح أحمد شوقي
تعليقات
إرسال تعليق